Der Ofenbauer und die Therapie Teil 2

Ja anscheinend hoazt mei Ofa guat, weil de Therapeutin in ihrer Praxis a oan mecht.Weils as erschte mal zohlt hot, hobe no amal ogfangt an Ofa zum maln.Sie hot desmal scho eher gwusst wos wüll und den hobe ihr a gmaln. An oldn wülls, hots gsogt, also koan richtig oldn, sondern an neichn, der wos ausschaut wia old.Damit a bessa einebasst in des Ambiente. Na guat hob a ma denkt, is amol wos anders. Und wia ma se einig worn, hobe dann a glei ogfangt. Desmal woa de Baustell parterre  (Gott sei Dank) und aloa wore a ned af da Baustell, weils a olde Dürn wollt, die wos ausschaun wie neu oder so ähnlich.

I bin ja ned da schnellste, weil i bin ja bei der Arbeit und ned auf der Flucht. Und Außerdem muas ma so an Ofa scho gscheid bauern, a Glump mache ned. Oba im Gegensatz zu dene "Restaurautöre" woare a richtiger Sprinter. Oana davo wor a "Architekt", oba dort hot a de Dirln gstricha. So langsam das erm de Foarb bald hidrickert waar. Erscht hot er de Diar gschtricha und dann die Beschläg. Und weil er wieda in de Diar einegschtricha hot, hot er de Diar nomal gschtricha. A so hobe den ganzen Dog wos zum lacha ghabt. Warscheinlich will die Psychotante no amaol an Ofa vo mir und hodse dacht, dass me desmal a wenig aufmuntern muaß. Positive Verstärkung hoaßtma des. ...Despinna doch.:)